Vonum að allir komin endurnýjaðir til baka úr sumarfríinu. Skrifstofan opnar fimmtudaginn 17.ágúst kl. 14.00
Kennslan hefst svo mánudaginn 28. ágúst. Sjá starfsáætlun skólans hér
Minnum á skemmtilegar námsbrautir sem reyndust afar vel síðastliðinn vetur.
Ukulele - Bjóðum upp á nám á hið vinsæla hljóðfæri Ukulele sem hentar afar vel til kennslu á öllum aldri. Einnig munum við notast við Ukulele í forskólakennslunni.
Fornám á píanó og gítar.
Litlir hóptímar sérlega hentugir nemendum sem vilja kynnast hljóðfæranámi og vita hvort að það sé fyrir þá eður ei. Áður kennt sem píanónámskeið og gítarnámskeið en er nú hluti af námi við Tónlistarskóla Árbæjar. Notast er við speglaða kennslu (flipped classroom) þar sem nemendur hafa aðgang að kennslumyndböndum til að læra lögin heima. Kennsla fer fram að mestu rétt eftir skóla.
Söngur og Gítar/Píanó.
Mikil ánægja hefur verið með þessa braut (aðeins heilt nám) þar sem markmið kennslunnar er að nemandi geti leikið undir eigin söng. Námið er hugsað sem samþætting þessarra tvegjja þátta.
