Ágætu nemendur og forráðamann
Við þökkum ánægjulegt samstarf á árinu og sendum hér með slóð inn á Facebook síðu okkar. Þar má m.a. finna myndir af tónleikum á skólaárinu. 
Allar upplýsingar um námsframvindu, einkunnir, mætingar, skólagjöld og fleira má finna á MÍNAR SÍÐUR hér á heimasíðunni.
Þó nokkrar breytingar hafa orðið á kennaraliði okkar. Andri Ólafsson, Ingvar Alfreðsson og Helgi Reynir Jónsson láta af störfum og þökkum við kærlega vel unnin störf og óskum þeim góðs gengis í framtíðinni. Nýir kennarar hafa verið ráðnir og munu upplýsingar um þá birtast á heimsíðunni síðar.
Við bendum á starfsáætlun skólans fyrir frekari upplýsingar um skólastarfið næstkomandi haust.
Þó nokkrir nemendur tóku grunnpróf sem er eins konar ,,samræmt" próf í tónlist á vegum prófanefndar tónlistarskólanna. Nemendur Tónlistarskóla Árbæjar stóðust prófið með ágætum.
Tónlistarskóli Árbæjar kennir nú inni í eftirfarandi grunnskólum:
Ingunnarskóla - Norðlingaskóla - Selásskóla - Ártúnsskóla- Árbæjarskóla sem og í húsnæði okkar að Krókhálsi 5.
Skrifstofan opnar að nýju um miðjan ágúst. Hægt er að senda okkur tölvupóst í sumar.
Með ósk um gott og gleðilegt sumar!
Sjáumst í haust 😊
Kennarar og starfsfólk Tónlistarskóla Árbæjar
