Fréttir
- Nánar
Ágætu nemendur 
sumardagurinn fyrsti er á morgun þann 23.apríl
Sumardagurinn fyrsti er frídagur og því engin kennsla.
Gleðilegt sumar
- Nánar
Ágætu nemendur og forráðamenn 
Páskafrí hefst frá og með mánudeginum 6.apríl. Kennsla hefst aftur miðvikudaginn 5. apríl
Minnum á endurinnritunina! (sendur hefur verið út póstur varðandi það)
Gleðilega páska
- Nánar
Ágætu nemendur og forráðamenn
nú höfum við hjá Tónlistarskóla Árbæjar tekið þá ákvörðun að frá og með miðvikudeginum 25.mars 2020 munum við færa allt tónlistarnám í fjarkennslu.
Þetta er gert í samræmi við óskir skóla- og frístundasviðs Reykjavíkurborgar og í ljósi nýjustu frétta af Covid19 faraldrinum.
Hér er tilvitnun í bréf frá skóla- og frístundasviði þessu að lútandi:
"Þetta erindi er skrifað fyrir hönd skóla- og frístundasviðs Reykjavíkurborgar.
Hvatt er eindregið til fjarnáms á sviði tónlistarkennslu þar sem því verður við komið en ítrustu sóttvarna í þeim tilvikum sem það er ekki hægt. Gildir það um alla kennslu, líka einstaklingskennslu, allra aldurshópa. Þetta er gert í ljósi hertra aðgerða gegn samfélagssmiti Covid19 á Íslandi”
Tilvitnun lýkur
Við hjá Tónlistarskóla Árbæjar nýtum okkur Google Meet. Allir kennarar eru með aðgang að því fundarforriti sem er einfalt og þægilegt í notkun. Hér er hlekkur á leiðbeiningarmyndskeið um notkun forritsins. Þið fáið sent tölvupóst með fjarfundarboði og eftir það leiðir eitt af öðru sjálfkrafa. Þið hlaðið niður smáforritinu Google Meet og tengist úr hvaða síma eða snjalltæki sem er.
Við reynum eftir fremsta mætti að halda tímasetningu tímana eins og þeir eru. Kennarar munu verða í sambandi vegna frekari útfærslu á kennslutímunum.
Það gefur augaleið að við leitum til ykkar foreldra um aðstoð, sér í lagi fyrir yngstu nemendurna. Hjálpumst að við að komast í gegnum þetta tímabundna ástand.
með góðri kveðju
Stefán S. Stefánsson
skólastjóri Tónlistarskóla Árbæjar
- Nánar
Kæru nemendur og forráðamenn við Tónlistarskóla Árbæjar
Staða tónlistarskólans í dag er þessi:
Samkvæmt tilmælum þar til bærra yfirvalda:
Við megum ekki kenna inni í grunnskólum. Öll kennsla sem þar fór fram færist í Krókháls eins og hægt er.
Hóptímar falla niður.
Nemendum í sóttkví er boðið upp á fjarnámstíma á sama tíma og þeirra kennslustundir eru.
Skólinn notast við Google Meet hugbúnaðinn í þeirri kennslu.
Fari kennari í sóttkví mun hann sinna sínum nemendum í fjarnámi.
Skólinn fylgir öllum leiðbeiningum sóttvarnarlæknis um sótthreinsun og fjarlægð við nemendur.
Við bendum nemendum sem eru í sóttkví að mæta EKKI í tíma, heldur nýta sér fjarkennsluna.
Stöndum saman og styðjum hvort annað! Þetta tekur endi
Skólastjóri
- Nánar
Ágætu nemendur og forráðamenn
Nú fer fram tónfundavika hjá okkur. Tónfundirnir eru sem hér segir: 
- Norðlingaskóli (Glymur) þriðjudag 18.febrúar kl. 18.00
- Selásskóli miðvikudag 19.febrúar kl. 18.00
- Ingunnarskóli fimmtudag 20.febrúar kl. 18.00
Allir velkomnir
Svo minnum við á vetrarfríin í næstu viku - Föstudaginn 28.febrúar og mánudaginn 2.mars
Tónlistarskóli Árbæjar fylgir starfsáætlunum grunnskóla í Árbæjarhverfinu að svo miklu leyti sem það er mögulegt. Starfsáætlun skólans er þannig byggð upp að nemendur munu ekki missa úr tíma, heldur lengist skólaárið um þennan dagafjölda.
Vinsamlegast látið skólann vita ef börn verða lengur frá vegna ferðalaga og þess háttar. Það er von okkar að vetrarfríið reynist fjölskyldum kærkomið tækifæri til að njóta skemmtilegra samvista.
með góðri kveðju
Skólastjóri