Nánar

Búin til þann 01 Desember 2015

Samkvæmt tilmælum frá Almannavörnum þá viljum við taka eftirfarandi fram: 

Al­manna­varna­deild rík­is­lög­reglu­stjóra seg­ir ofsa­veðrið, sem spáð hef­ur verið, fyrst munu skella á á Suður­landi. Ekki sé ráðlegt að vera á ferðinni þar eft­ir klukk­an 12 á há­degi. Á öðrum stöðum á land­inu, og þar með talið á höfuðborg­ar­svæðinu, er ráðlegt að vera ekki á ferðinni eft­ir klukk­an 17.

Þetta kem­ur fram í til­kynn­ingu frá al­manna­vörn­um. Spáð er aust­an ofsa­veðri á morg­un og fram á þriðju­dag á öllu land­inu með snjó­komu og byl. Mik­ill vind­hraði er í kort­un­um.   

Þetta gæti að sjálfsögðu breyst þannig að óveðrið skelli eitthvað fyrr á. Fylgjumst vel með veðri og sendum börn ekki ein í skólann ef ástæða er til að hafa áhyggjur af veðrinu.

Sendum börn ekki ein í skólann, tryggjum öryggi barnanna.

með kveðju

Stefán Stefánsson

skólastjóri Tónlistarskóla Árbæjar 

Nánar

Búin til þann 13 Nóvember 2015

Ágætu foreldur og forráðamenn

Í næstu viku er svokölluð foreldravika í Tónlistarskóla Árbæjar. Því bjóðum þér/ykkur að koma í kennslutíma til nemandans, fylgjast með námsframvindu, spyrja spurninga og annað sem lýtur að námi nemandans. Gott er að hafa  samband við kennara og láta vita af komu ykkar.

Það er markmið okkar hjá Tónlistarskóla Árbæjar að halda uppi góðu og ítarlegu sambandi við nemendur og forráðamenn um skólastarfið.
Eigir þú ekki heimangengt í næstu viku viljum við bjóða þér til foreldraviðtals síðar, á tíma sem ákvarðaður er af kennara og ykkur í sameiningu.

Vonumst til að sjá ykkur sem flest!

Með góðri kveðju
Stefán S. Stefánsson
skólastjóri Tónlistarskóla Árbæjar

Nánar

Búin til þann 10 Nóvember 2015

Þökkum fyrir skemmtilega tónleika í Norðlingaskóla þar sem var þétt setinn bekkurinn!    

Sjá fleiri myndir á Facebook síðu okkar hér!

með góðri kveðju

Skólastjóri 

Nánar

Búin til þann 10 Nóvember 2015

Skemmtilegir tónleikar voru haldnir á sal  í Selásskóla á fimmtudaginn 5.nóvember og stóðu nemendur og léku nemendur við góðan orstí tónleikagesta.     

Skoðið nokkrar myndir hér frá tónleikunum í Selásskóla

Í þar næstu viku er foreldravika. Þá er foreldrum velkomið að mæta í tíma með barninu og fylgjast með, spyrja og ræða almennt um nám nemandans. Sjá starfsáætlun hér

Skólastjóri 

Nánar

Búin til þann 10 Nóvember 2015

Vel heppnaðir tónleikar voru haldnir  þriðjudaginn 3.nóvember  í Ingunnarskóla. Einstaklega fjölbreytt og skemmtilegt. 

Næstu tónleikar eru í Selásskóla á fimmtudaginn 5.nóvember kl. 18.00 og í næstu viku miðvikudaginn 11.nóvember kl. 18.00 í Norðlingaskóla.     

Skoðið myndir hér frá tónleikunum í Ingunnarskóla 

Í þar næstu viku er foreldravika. Þá er foreldrum velkomið að mæta í tíma með barninu og fylgjast með, spyrja og ræða almennt um nám nemandans. Sjá starfsáætlun hér

Skólastjóri 

Nánar

Búin til þann 17 Október 2015

Tónlistarskóli Árbæjar heldur 10 vikna námskeið um notkun tölva í tónlistarsköpun. Námskeiðið hefst fimmtudaginn í október  og er lýkur í janúar 2016

Námskeiðið er hugsað fyrir byrjendur jafnt sem lengra komna.

Kennt verður á fimmtudögum kl 18:30 til 19:30 að Krókhálsi 5     

Hópurinn kemur til með að taka upp hljóð, hlaða þeim í tölvu og vinna úr þeim skemmtilega tónlist undir handleiðslu tveggja reyndra kennara.

Notast verður við eftirfarandi opinn hugbúnað: Reaper, Audacity og Soundtrap.
Nemendur þurfa hvorki að hafa reynslu af tónlist né að eiga nein tæki til tónsköpunar.

Öll tæki og tól eru á staðnum, en gott er ef nemendur eiga eða hafa afnot af fartölvum eða snjalltækjum að hafa þær með.

Kennslan fer fram á Krókhálsi 5 - Tónfræðistofu. Hvert skipti er 60 mínútur.

Birt með fyrirvara um þáttöku.