Nánar

Skoðað: 3400

Langar þig að spila í hljómsveit? Syngja, spila á gítar, hljómborð, bassa eða trommur? Önnur hljóðfæri eru að sjálfsögðu líka velkomin.

Tónlistarskóli Árbæjar, í samstarfi við Félagsmiðstöðina Holtið í Norðlingaholti, mun standa fyrir hljómsveitastarfi í Mest húsinu í vetur.

Engrar fyrri reynslu af hljómsveitarspili er krafist en þó er æskilegt að þátttakendur hafi minniháttar hljóðfærakunnáttu. Á haustönn 2016 munu hljómsveitaræfingar (1 klst.) fara fram á föstudögum á milli kl. 14 og 17 - fjöldi hópa fer eftir skráningu. Umsjónarmaður hljómsveita verður bassaleikarinn Sigmar Þór Matthíasson. Sigmar býr yfir margra ára reynslu af samspilskennslu og hljómsveitastarfi. Auk þess munu sérhæfðir söng- og hljóðfærakennarar líta inn á æfingar til leiðbeinslu. 

Umsóknir sendist á tölvupósti á This e-mail address is being protected from spambots. You need JavaScript enabled to view it.. Þar skal koma fram nafn, kennitala og bekkur nemanda. Frístundakort Reykjavíkurborgar má nota til greiðslu þáttökugjalda. Upplýsingar um verð og aðra tilhögun má finna á heimasíðu Tónlistarskóla Árbæjar. Birt með fyrirvara um þáttöku.

Nánar

Skoðað: 3026

Nú er skólastarfið að hefjast hjá okkur í Tónlistarskóla Árbæjar. Til okkar eru komnir tveir nýir kennarar þeir Una Stefánsdóttir flautu - píanóleikari og söngkona og Gunnar Leó Pálsson trommuleikari og bjóðum við þá velkomin til starfa. Einnig kemur Guðbjörg Ragnarsdóttir aftur til starfa eftir árs leyfi, og bjóðum við hana einnig velkomna aftur til starfa.

Margt spennandi er á döfinni hjá okkur og ýmsar nýjungar.

Hér eru nokkrar hagnýtar upplýsingar um næstu daga í skólastarfinu.

Móttökudagar

Móttökudagar verða í næstu viku og munu þeir eiga sér stað á Krókhálsi 5 (og 5a) 3h. Athugið að lyfta er í Krókhálsi 5a.
Kennarar munu hafa samband í þessari viku upp á nánari tímasetningar.
Móttökudagar verða á þessum dögum:

Miðvikudagur 24.ágúst:

Með áherslu á nemendur í Ingunnarskóla. Staðsetning: Krókhálsi 5 (og 5a) - Nemendur hitti kennara sinn með stundartöflu og gangi frá innritun.
Tími: 14.00 til 18.30

Fimmtudagur 25.ágúst

Með áherslu á nemendur í Norðlingaskóla. Staðsetning: Krókhálsi 5 (og 5a) - Nemendur hitti kennara sinn með stundartöflu og gangi frá innritun.
Tími: 14.00 til 18.30

Föstutudagur 26.ágúst

Með áherslu á nemendur í Selásskóla og Krókhálsi. Staðsetning: Krókhálsi 5 (og 5a) - Nemendur hitti kennara sinn með stundartöflu og gangi frá innritun. Tími: 14.00 til 18.30

Nánar

Skoðað: 3133

Vonum að allir komin endurnýjaðir til baka úr sumarfríinu. Skrifstofan opnar mánudaginn 15.ágúst kl. 14.00    

Kennslan hefst svo mánudaginn 29. ágúst. Sjá starfsáætlun skólans hér

Minnum á nýjungarnar í skólastarfinu í vetur:

Ukulele - Bjóðum upp á nám á hið vinsæla hljóðfæri Ukulele sem hentar afar vel til kennslu á öllum aldri.

Tölvutónlist - Hvernig skapa má tónlist með tölvu - Kennt á tölvuna sem um hljóðfæri væri að ræða. Notaður hugbúnaður til tónlistarsköpunar.

Fornám á píanó og gítar.

Litlir hóptímar sérlega hentugir nemendum sem vilja kynnast hljóðfæranámi og vita hvort að það sé fyrir þá eður ei. Áður kennt sem píanónámskeið og gítarnámskeið en er nú hluti af námi við Tónlistarskóla Árbæjar. Notast er við speglaða kennslu (flipped classroom) þar sem nemendur hafa aðgang að kennslumyndböndum til að læra lögin heima. Kennsla fer fram að mestu rétt eftir skóla.

Söngur og Gítar/Píanó.

Mikil ánægja hefur verið með þessa braut (aðeins heilt nám) þar sem markmið kennslunnar er að nemandi geti leikið undir eigin söng. Námið er hugsað sem samþætting þessarra tvegjja þátta.

Nánar

Skoðað: 3460

Lokað á skrifstofu Tónlistarskóla Árbæjar vegna sumarleyfa.  Hægt er að  hafa samband um tölvupóst hér     

Sjá nánar um starfsáætlun hér

Gleðilegt sumar - Sjáumst í haust

Nánar

Skoðað: 3512

Þann 17. maí síðastliðinn fóru kennararnir Kristján Guðjónsson og Hjörtur Ingvi Jóhannsson ásamt nemendum sínum í heimsókn á hjúkrunarheimilið Eir. Þar spiluðu krakkarnir fyrir heimilisfólkið og foreldra sína við mikla ánægju þeirra sem á hlýddu. Mæltist heimsóknin einkar vel fyrir og er stefnt að því að endurtaka leikinn að ári.

Nánar

Skoðað: 4042

Tónlistarskóli Árbæjar, með útibú í Selásskóla, braut upp skólastarfið í síðustu kennsluvikunni og hélt tónleika fyrir börnin á leikskólanum Rauðaborg. Ekki var annað að sjá en yngsta kynslóðin skemmti sér konunglega og væri gaman að endurtaka þetta á næsta skólaári..